Puisi Bugis - Pasilasai Gauk - e Na Ada - ada - e

PASILASAI GAUK-É NA ADA ADAÉ

Oleh : Drs. Asmat Riady Lamallongeng

Makkedai pappasenna
La Patau Matanna Tikka Matinroé  ri Nagauleng
Ajak mucirinnaiwi – ajak muénajaiwi
Tabbollong daramu ri perikna tanaé
Ajakto mupaddibolai ri nawanawammu
Namupassuk i ri timummu
Riyasengngé ada bellé

Teppédécéngi garék tana
Palalloéngngi gauk na tettongenna
Palalloéngngi ampék na sinratanna
Paliwengiengngi ada ada
Enrengngé pangkaukeng  na tudangenna

Masero lebbik I  namadécéng
Ripasilasa  gauk é na ada adaé
Masero kessingngi riajeppui
Naiyya kalawing ati madécéngngé
Paompok upek ri lino – upek ri akhérak

Tapahangngi taesseri toi
Iya garék upekna to malempuk é
Malampék sungek i
Iya upekna to magettengngé
Maéga wijanna nenniya sellaona
Naiyya tosi upekna to maccaé
Maéga asugirenna

Matanré nawa nawaé paompok gauk patuju
Mapanré tangngak é  paompok winru  situju tuju
Amaccangengngé paompok  ada ada madécéng