Puisi Bugis - Taroi Mannessa Lempuk-e

TAROI MANNESSA LEMPUK-É

Oleh : Drs. Asmat Riady Lamallongeng

Aga passabareng
Kutéya larak – kutéya sorok sibatélak
Riwettu sioloku Balanda puté mataé
Mappasigala gajang maléla
Ritengnga padang – riappasareng kannaé

Nasabak mamménasawak siya
Mappasiduppa barowaro
Sipaccolokeng dara – sipalenynyek sumangek
Rilébokna tana assomméngekku
Wanuwa Indonesia

Rékkuwa palék matti
Tekkuitai amaradékangenna
Tekkurapi saléwangeng pabbanuwana
Mappasengnga ri torimunrikku
Manya manyai abbulo sipeppakmu
Musiatting lima – musiola tonra
Tessibelléang rigauk madécéngngé

Tenroi mariyasek
Baté asséddingengngé
Cellak-é nasabak awaraningeng
Putéwé nasabak apaccingeng
Topada maccinaung riawana
Nairing anging assama turuseng

Bolaiwi gettengngé – pannessai lempuk-é
Manya manyai ada tongengngé
Temmappasialingengngé
Nariaccowéri salompému
Ripadammu jémma

 

Like This Article ?

Anda baru saja membaca artikel yang berkategori Asmat Riady Lamallongeng / Puisi dengan judul "Puisi Bugis - Taroi Mannessa Lempuk-e". Anda bisa bookmark halaman ini dengan URL http://luyokita.blogspot.com/2014/08/puisi-bugis-taroi-mannessa-lempuk-e.html.