LA TENRI TAPPU TO APPALIWENG
Oleh : Drs. Asmat Riady Lamallongeng
Anak mattola – sengngempali ri Tana Bone
La Tenri Tappu To Appaliweng
Sultan Ahmad Saleh Syamsuddin
Arumponé maduwappuloé tellu
Matinroé ri Rompégading
Malamung paddissengenna
Sulessana – mapahang toi riséséna agamana
Materrek teppekna ri arajanna
Nenniya akuasanna Allahu Taala
Puanna sininna alangé
Napoadai rilaleng élokkélong nawinruk é
“ Iyya teppaja kusappak
Alalonna uwallié
Ajjalékkanna panritaé
Atabbutturenna tollarié
Akkaséyorenna ranggasélaé
Tellué temmassarang – duwaé temmallaiseng
Iyyaéngngi nataniya
Mattungka iyya wégangngé
Ripuwé nataniya
Tenri pauwé tenna risseng
Riajeppuiyé tenna ripahang
Riengngerangngé tenna rirupa
Rilolongengngé nari abongngori “
Naesseri pulanai ilaleng atinna
La Tenri Tappu To Appaliweng
Arumpone maninié
“ Tenna duwai sagala
Duwani pawakkangi alé abongngoreng
Mau toniro riyaseng
Duwai masagala – tessarawak tona
Tellongnga nabanna muwa
Watanna sagalaé tenrek magguliling
Anda baru saja membaca artikel yang berkategori Asmat Riady Lamallongeng /
Puisi
dengan judul "Puisi Bugis - La Tenri Teppu To Appaliweng". Anda bisa bookmark halaman ini dengan URL http://luyokita.blogspot.com/2014/08/puisi-la-tenri-teppu-to-appaliweng.html.
0 Comments
.png)
